هتحول ؟؟؟؟؟ طب ليه ......

[first love]

مش عارف ليه ناس كتير دلوقت بتفكر تحول مع ان زي ما احنا عارفين ان كليتنا من افضل الكليات الموجودة واعتقد انها اعلي نسبة نجاح السنة دي في المنوفية وكمان من اعلاها علي مستوي الجمهورية وعندنا افضل دكاترة واشطرها ( الا القليل طبعا)



المهم انا شايف ان الموضوع ده لغز يمكن ناس بتحول علشان هي عاوزة كدة بس اكيد اللي شاف كليتنا ودكاترتنا وقارنها باي كلية تانية لازم يغير رايه


ياريت كل واحد يقول رايه وبالذات الناس اللي عاوزة تحول

[Amr elkordy]

الكليه جميله لكن فيه الاجمل
و عيبها ان العيوب فيها أقل من المميزات لكن العيوب دى بتودى فى داهيه
و انا عن نفسى بفكر أحول
بس بجد زمايلى هيوحشونى جدا جدا
و ده السبب اللى مخلينى متردد

[first love]

طب ايه عيوبها

هو عيبها الوحيد انها في منوف

بس عيوبها من وجهة نظرك ايه ؟؟؟؟؟؟؟؟؟؟؟؟؟؟؟

[Amr elkordy]

عيبها مش انها من منوف
عيبها انها تخصص مجال واحد و هو الالكترونيات
لو كان فيها اى قسم تانى كان بقى لها شكل تانى
و بعدين فيه دكاتره بدون ذكر اسماء مش على مستوى عالى انهم يدرسوا فى الكليه

[Mustafa Zein]

بالنسبة لعمرو انها ف منوف موش عيب دا بالنسبة ليه ميزة

أنا الحمد لله موش بفكر ف التحويل

رغم إن دلوقتي اللي ضاع منه بترول ممكن يحول بمجموع اعلى من 96 ويدخل بترول

أنا لو حولت ادخل بترول بس هي موش ف دماغي من الأول ومكنتش اول رغبة عندي

وهندسة منوف داخلها موش مجموع لأن شبين كانت مفتوحه ليا وكمان أكبر هندسة

لكن كنت داخلها عن اقتناع وبجد اللي بيقول هندسة القاهرة وعين شمس يبقى سمع بس

فاكرين اللي بيقولك تعرف فلان لو قولت اه هقولك عاشرته لو قلت لأ هقولك يبقى متعرفوش

الكليات كدا الناس اللي بتسمع سمع خير عن القاهرة وشبين وعين شمس

والله بسمع ناس منهم بيدعوا عليهم وعلى دكاترتهم وبيقولولنا انتم ف نعيم

التاني علمي رياضة منوف داخل هندسة شبين وربنا يبعدنا كلنا قعد السنة اهو

الحمد لله احنا ف نعيم موش حاسين بيه

[الميدا]

الكلية عيوبها كتيرررررررررررررر لو قعدنا من هنا لبكرة مش هنخلصها

[الميدا]

زى مثلا مافيش حاجة محدد يعنى يقولو النتيجة الاسبوع اللى جى ومتظهرش فى دكاترة مش عارف ازى دول بقوا دكاترة ازى وفيه برضوا دكاترة كويسين جدادة غير المعدين يعنى انا السنة دية مختش ولا شيكشن رياضة ولا ميكانيكا وفى معدين اساسا مش فاهميم هم بيقولوا اية دة غير الكوسة اللى فى الكلية يعنى مثلا انا اعرف واحد سقط اعدادى مترتين ودفع فلوس ودكتور عداه

[Mustafa Zein]

زى مثلا مافيش حاجة محدد يعنى يقولو النتيجة الاسبوع اللى جى ومتظهرش فى دكاترة مش عارف ازى دول بقوا دكاترة ازى وفيه برضوا دكاترة كويسين جدادة غير المعدين يعنى انا السنة دية مختش ولا شيكشن رياضة ولا ميكانيكا وفى معدين اساسا مش فاهميم هم بيقولوا اية دة غير الكوسة اللى فى الكلية يعنى مثلا انا اعرف واحد سقط اعدادى مترتين ودفع فلوس ودكتور عداه

1- محدش قال من إدارة الكلية النتيجة الأسبوع الجاي
كل دي بتبقى اجتهادات طلبة وعمال كنترول وأمن

2- الكوسة ف كل حته يا معلم
وموش كليتنا بس روح كليات كتير هتلاقي اكوس من كدا
ودكاترة مينفعش كانوا يدخلوا الكلية موش يبقوا دكاترة فيها

3- انا سكشيني الحمد لله واخد حقه سكاشن
يوم ما المعيد بيتغيب مرتين ورا بعض
شكوى على طول بيجي معيد تاني
موش بنقول بركه يا جامع زي ناس كتير
ونيجي ف آخر السنة نقول موش خدنا سكاشن

4- النقطة الأخيرة دي موش ف الكلية بس
دي في مصر كلها

[الميدا]

لالالالالالالالالالالالالالالالالالالالا النقطة الاخيرة دية فى الكلية دية منتشرة بشدة غير كل الكليات الاخر شوف كام واحد بيتفصل فى هندسة كل سنة فى حلوان ولا عين شمس ولا القاهرة هتلاقى مش اقل من 300 -400 فى منوف ادفع تنجح والله فى ناس كتير كان المفروض تتفصل وعدت يا درش
ثانيا كان فى طلابة بيروح لمكتبة طبعا الكل عارفها بيخدوا الامتحان ليلة الامتحان وكانو بيعرافو اية اللى جى فى الامتحان وبلاش نضحك على بعض ادارة الكلية عارفة ومبتعملش حاجة
ثالثا موضوع النتيجة كان المفروض كان يبقى فى نظام منعا للاجتهادات وتقول النتيجة فى وقت محدد مش تسبها عيمة كدة

[Mustafa Zein]

لالالالالالالالالالالالالالالالالالالالا النقطة الاخيرة دية فى الكلية دية منتشرة بشدة غير كل الكليات الاخر شوف كام واحد بيتفصل فى هندسة كل سنة فى حلوان ولا عين شمس ولا القاهرة هتلاقى مش اقل من 300 -400 فى منوف ادفع تنجح والله فى ناس كتير كان المفروض تتفصل وعدت يا درش
ثانيا كان فى طلابة بيروح لمكتبة طبعا الكل عارفها بيخدوا الامتحان ليلة الامتحان وكانو بيعرافو اية اللى جى فى الامتحان وبلاش نضحك على بعض ادارة الكلية عارفة ومبتعملش حاجة
ثالثا موضوع النتيجة كان المفروض كان يبقى فى نظام منعا للاجتهادات وتقول النتيجة فى وقت محدد مش تسبها عيمة كدة

ايه حوار المكتبة دا انا معرفوش

ابقى قولي عليه بقى بيني وبينك عشان نظبطه السنة الجايه

والله مفيش كليه فيكي يا مصر شوفتها بتقولك النتيجة هتظهر يوم كذا

أنا والله وموش بكدب عليك

من لسان دكتور جلال عتلم وقدام بشمهندس في ربعة قايلي النتيجة النص التاني من الأسبوع الجاي

وفعلا كانت ف الكنترول الثلاث وع النت الخميس يعني مكدبش ف كلامه أصل دا موش كلام الأجتهادات بتاع العمال

لما يلاقوا ناقص مادة يقولك فاضل 10 ايام تدخل المادة يقولك النتيجة بكرة او بعده

ياسيدي سيب كل واحد يتكلم براحته

وموضوع يعدي دي عارف انها بتحصل ف مادة ولا اتنين

لكن سنة كاملة موش بتحصل وعارف الدكاترة اللي بيخلصوا الليلة دي