خلاص يا جماعه أنا زهقت :(( انا تعبت من نفسى والله ..!!

[Despair Victor]

المره دى دينى .... لا حب ولا رومانسيه

كنت بدأتها وأحنا فى اعدادى

ودلوقتى جه الوقت انى اكملها ليا وليكم


نبتدى

هذه القصه بقلم الأستاذ / طاهر من منتدى الأستاذ مصطفى حسنى



"أحمد !! أنا تعبت من نفسي والله !!!!"
انطلقت الجملة كالرعد على أسماع أحمد...حيث لم يكن يدري أن حال صديق عمره خالد قد ساء إلى هذا الحد...

ما الذي يعنيه خالد وما هي قصته ؟؟
هذا ما سنستعرضه معا بإذن الله..


فلنعد للوراء 10 دقائق فقط لنفهم ماذا حدث...

ترررررن ترررررن..جرس الهاتف يرن في حجرة خالد..
ترررررن ترررررن...


ظل الرنين طويلا..
وأخيرا رفع خالد سماعة الهاتف في بطء...
خالد: "سلام عليكم"
أحمد: وعليكم السلاااااام ورحمة الله وبركاته....يا هلا يا هلا"
خالد: أحمد ؟..إزيك يا أحمد..
أحمد: إيه ده إيه ده...مالك كده فيه إيه ؟
خالد: إيه ؟
أحمد: صوتك مش طبيعي !...أنت زعلان من حاجة ولا إيه ؟
خالد: لا أبدا..مفيش
أحمد: خالد فيه حاجة بجد ؟...أنت زعلان مني في حاجة ؟
خالد: لا والله يا أحمد صدقني..أنا بس كنت..يعني.....تعبان شوية..
أحمد: تعبان ؟ ..سلامتك يا عم...مالك عندك برد ولا إيه ؟
خالد:..ههه..لا يا عم أنا مش عيان الحمد لله...أنا بس زي ما تقول كده مكتئب حبتين...
أحمد: لا إله إلا الله...حصل إيه بس
خالد: خلاص بقى يا أحمد الله يكرمك...خير إن شاء الله..ادعيلي بس
أحمد: طب فهمني بس يمكن أقدر أساعدك..
صمـــت..
أحمد: ها ؟
خالد:..والله مش عارف أقول لك إيه يا أحمد..أنت صاحبي وحبيبي كمان والله بس..بس أنا مش عارف مالي,,,
أحمد: طب ولما أنا صاحبك وحبيبك بتخبي عليا ليه بقى ؟
خالد:....أصل الموضوع طويل فعلا يا أحمد
أحمد: والله يا خالد أنا مش عايز أتقل عليك بس أنا مابأحبش أشوفك مكتئي كده..
صمت...
خالد: أحمد !! أنا تعبت من نفسي والله !!!!
صمت يتخلله صوت تنفس شديد..
أحمد:...آ..آآ..طب...طب اهدى بس..
خالد:..............
أحمد:..خالد بالله عليك اهدأ...اهدأ بس علشان نفكر مع بعض...بص...تقابلني الليلة في صلاة العشاء في مسجد الرحمة..ماشي ؟
خالد: طيب يا أحمد..إن شاء الله..
أحمد: إن شاء الله..ولو سمحت اهدأ شوية على ما أقابلك..وما تخافش كل حاجة هتتصلح إن شاء الله...
خالد: ربنا يسهل..
أحمد: طيب...يللا بقى لحسن أمي عايزة التليفون
خالد: طيب..سلام عليكم
أحمد: وعليكم السلام ورحمة الله وبركاته

ظل أحمد حائرا...ماذا حدث لخالد !!..ما الذي جعله في حالة يأس واكتئاب هكذا.. ؟؟
""أنا تعبت من نفسي والله""...ماذا يعني خالد بما قال..
خالد شاب محترم..والكل يشهد له بذلك..
صحيح أنه ليس في قمة الالتزام، وكلنا ذوو أخطاء، لكن ما الأمر...

الله أكبر اللـــــه أكبر
أذان العشاء

ذهب أحمد للصلاة وهو يفكر في كيف يلقى خالدا وماذا سيقول له..

بعد الصلاة..
أحمد (بوجه مبتسم) : السلام عليكم
خالد: وعليكم السلام ورحمة الله وبركاته..إزيك يا عم
أحمد: الحمد لله تمام..إزيك أنت...إيه الأخبار ؟
خالد: الحمد لله على كل حال
أحمد: كويس ؟
خالد: آه الحمد لله ..
أحمد (في خباثة): يا وااد..علي أنا برضه ؟؟...(ويربت على قدم خالد)..
خالد (مبتسما): ههه..والله يا أحمد ربنا يكرمك..
أحمد: طيب..تحب نروح حتة ولا نخللينا في المسجد ؟
خالد:...براحتك..خللينا هنا لغاية ما نشوف هنعمل إيه..
أحمد: طيب جميل..انوي الاعتكاف بقى...............ها يا عم..إيه الحكاية من طق طق لسلام عليكم
خالد ينظر للأرض في أسى..
أحمد: مالك يا عم بس..فهمني..
خالد:..أحمد..توعدني أني لو قلت لك مش هأنزل من نظرك ؟؟
أحمد باستغراب: أنت بتتكلم في إيه يا خالد !..أكيد لأ طبعا إن شاء الله...إيه يابني أنت نسيت أننا أصحاب من أكتر من خمس سنين ولا إيه..

خالد يصمت قليلا..ثم يرفع نظره في بطء إلى أحمد وينطق بكلمتين..كلمتين فقط لا غير...

فتنة النساء

هل أنت مبتلى بفتنة النساء ؟
- هل تواجه صعوبة في غض بصرك ؟
- هل تجاهد نفسك دائما لكنك تضعف باستمرار ؟
- هل قدرتك على التحكم في عينيك في الشارع أو على شاشة التلفاز أو الكمبيوتر...ضعيفة ؟
- هل تمارس العادة السرية ولا تستطيع التخلص منها ؟
- هل لك زميلات فتيات أو لكي زملاء أولاد ولا تستطيعين أن تقطعي الصداقة المحرمة بينكما ؟
- هل تعاني دائما من الوساوس الشيطانية ؟
- هل الشارع يعني لك المزيد من الآثام والذنوب ؟
- هل تريد أن تختار شريكة حياتك، أو تريدين أن تختاري شريك حياتك، ولا تستطيع كيف ؟
- هل تسعى وتتمنى الزواج لكنك تجد الكثير من المعوقات ؟
- هل تتمنين أن ترتدي الحجاب لكنك لا تستطيعين ؟
- هل تتمنين أن تحسني من ملابسك لكنك خائفة ؟
- هل وقعت أو وقعتي في الفاحشة وتريد أن تتوب..ولكن ؟

هل أنت مبتلى بفتنة النساء ؟؟؟

إذا كانت إجابتك على أي سؤال من الأسئلة العلوية بنعم
أو حتى إذا كانت كل إجاباتك بلا

فأنت في المكان الصحيح


أخي..حملتنا موجهة لك أنت..
وفوق ذلك..حملتنا تقوم بك أنت

أخي تابعنا
أختي تابعينا

نحتاج كل مسلم ومسلمة معنا بإذن الله..سواء كان قويا أو ضعيفا..ملتزما أو غير ذلك

أخي..ثق أننا نحتاجك

تابعونا في حملة الرقي إن شاء الله تعالى..أو إن شئتم فلنقل......حملة الطهارة

[ENG_elharifa`]

بجد موضوعك جميل وهادف يا لوكا وربنا يكرمك وجزاك الله خيرا

[aya abd el naby]

معاك يا بشمهندس و هنتابع ان شاء الله

و جزاك الله خيرا لانه فعلا موضوع مهم جدا جدا

[Despair Victor]

بجد موضوعك جميل وهادف يا لوكا وربنا يكرمك وجزاك الله خيرا

تسلم يا حبيبى

جزانا الله واياكم كل خير

نتمنى المتابعه

معاك يا بشمهندس و هنتابع ان شاء الله

و جزاك الله خيرا لانه فعلا موضوع مهم جدا جدا

جزانا الله خيراً واياكم ياهندسه

فعلا موضوع فى قمه الأهميه



منوره الموضوع بالمتابعه

نتمنى متابعه مفيده

[eng amal]

ان شاء الله تكمل علي خير ومعاكوا طبعا وشكرا سا بشمهندس علي الحمله الرائعه دي

[Despair Victor]

ان شاء الله تكمل علي خير ومعاكوا طبعا وشكرا سا بشمهندس علي الحمله الرائعه دي

بأذن الله يا هندسه

لا شكر على واجب

حضرتك منوره الموضوع

نتمنى كامل الاستفاده ليكم

[i love allah]

موضوع فعلا فى غاية الاهمية ومتابعين معاك باذن الله
وربنا يحفظنا جميعا وجزاك الله عنا كل خير

[Mustafa Zein]

موضوع مهم جدا يا لوكا

وحملة ولا اروع والموضوع كان نزلت قبل كدا ف المنتدى زمان بس مكملش كحملة

بس سؤال ليه حاطه ف القصص والروايات والأحاديث الضعيفة

[Despair Victor]

موضوع فعلا فى غاية الاهمية ومتابعين معاك باذن الله
وربنا يحفظنا جميعا وجزاك الله عنا كل خير

شكرا يا هندسه

يا رب امين ويحفظ كل شباب المسلمين

جزاكى الله وايانا كل خير

موضوع مهم جدا يا لوكا

وحملة ولا اروع والموضوع كان نزلت قبل كدا ف المنتدى زمان بس مكملش كحملة

بس سؤال ليه حاطه ف القصص والروايات والأحاديث الضعيفة

ثانكس يا درش

اه فاكر انا الايام دى

أنا لاقيت القسم فى واحه الأيمان

واسمه القصص والروايات الضعيفه

يبقى خاص بالقصص الدينيه وروايات الأحاديث الضعيفه

ولو له مكان انسب انقل يا درش

[eng-msd]

جزاك الله حيراً و ننتظر منك الكثير