مـــاذا لــو ان غدا - نودى للجهــاد-- هل نفعلها .... ام ...؟؟؟!!

[Despair Victor]

الموضوع موش سياسى

موضوع شباب

موضوع بلد

طبعا كلنا شوفنا الفيديو دا




ودا كمان






الوضع بات على الحافه

تعالوا نتدارس الأمر

• الناس اللى ف التحرير

مقدرش اقولهم قوموا روحوا - مقدرش الومهم - حسنى ساب نقطه سوده فى حياه كل واحد فيهم


• الناس اللى بتقول نوقف بقه المظاهرات

برضه مقدرش الومهم دول ناس خايفه على استقرار البلد والتدخل الامريكى واليهودى اللعين


الدائره المشتركه فى كل هذا


مـــــــــــبارك



'f تعالوا نرجع لللموضوع الأصلى بعد ما وضحنا الوضع

تفتكروا لو الحرب قامت

واسرائيل وامريكا تدخلوا

هنروح نحارب ؟؟

واحد بقه كدا بعضلاته يطلع يقولى ااااااااااااااه مصرى وابويا مصرى

واوعى المصريين



الله يصبحه بالخير م/ هانى حتحوت

قال كلمه لسه بترن فى ودانى

" بلاش تتمنوا الحرب لانكم ساعتها متعرفوش اذا كنتم هتثلتوا وتواجهوا العدو ولا هتهربوا

والفر يوم الزحف يعتبر مرتد على طول

انتوا قاعدين متحمسين وبتقولوا يارب نحارب وبتسمعوا كام اغنيه وطنيه

الحب حاجه تانيه خالص

الحرب يعنى صوت مدافع دبابات

يعنى تشوف صاحبك جنبك يدوس على لغم خطأ تلاقيه بقه لحمه دا لو لاقيتها اااساسا

يعنى دراعك ينقطع وتبقى عايز تقوم تكمل حرب

يعنى عدوك يبقى بيضربك وداخل معاك فى اشتباك يدوى

وهو منتصر عليك وخلاص ثانيه وهيخلص عليك اذا كان بيضربك فى اماكن غلط

وفجأه تلاقى اسم مصر هو اللى بيديك القوه فى عكس الوضع

يعنى مفيش فيس

مفيش كليات

مفيش نت

يعنى عيشه ناشفه

م هتتعشى زبادى وفول وطعميه والحاجات الحلوه دى

يعنى تلاقى لقمه عيش ناشفه ومدوده

تروح تديها لاخوك الجعان

يعنى فى الصحراء وعطشان ومفيش مايه

هتشرب من بولك - حفظكم الله -

هي دى الحرب

فلو سألتم الله الحرب

اسألوه الثبات عند اللقاء .."

فعلا الموضوع بجد عايز مناقشه


احنا هنحارب اه ممكن

ممكن نثبت عند اللقاء

السؤال دا قالقنى جدا

خايف أوى اهرب

ربنا وحده اللى يعلم

[ahmed elmaadawy]

والله يا لؤي موضوع جميل واحيييييييييييييك عليه اووووووووي وبجد موضوع مهم وربنا يااااااارب يثبتنا عند اللقاء لو فيه حرب بس انا هاقولك انى هاروح احارب يا لؤي لو جاتلى الفرصة عشان باحب مصر وكل حاجة بس فيه حاجة انا باتمناها على طول واهيا انى اموت شهيييييييييييييد يعني اروح الحرب فيه حاجتين يا اما نكسب ونجيب لمصر حقها وندافع عنها يا اما اموت شهيد وفي كلا الحالتين الواحد هيبقى فخور بنفسه

[eng-msd]

و الله يا لؤى انا فكرت فيها امبارح بعد ما شفت الفيديوهات دى

و بصراحة مفيش كلانم يتقال بعد رد المعداوى

فعلاً النصر

او الشهادة دا حلم الملايين بعد ما عرفوا اللى ربنا وعد بيه فى الجنة للشهداء
بصراحة لو حد فعلاً بيحب مصر الموضوع مش مستاهل تفكير
كرامة البلد اللى بتحبها
او واحدة من اعظم المكافأت اللى ربنا وعد بيها فى الاخرة

و العناء مش هدر دا ليه ثوابه العظيم عند ربنا

[ahmed bakoush]

ماشي ياعم لوكا

[Mustafa Zein]

فعلا يا لوكا الكلام دلوقتي
هيبقى غير الواقع بكتير
ودا من كلام بتوع الجيش
كلنا بنقول نحارب ونستشهد
بس دول ناس دخلت الجيش وفهمت قوتهم
وقوة اللي قصدهم وقد ايه نفدر ولا لأ

[Dr.7shad]

والله يا لؤي موضوع جميل واحيييييييييييييك عليه اووووووووي وبجد موضوع مهم وربنا يااااااارب يثبتنا عند اللقاء لو فيه حرب بس انا هاقولك انى هاروح احارب يا لؤي لو جاتلى الفرصة عشان باحب مصر وكل حاجة بس فيه حاجة انا باتمناها على طول واهيا انى اموت شهيييييييييييييد يعني اروح الحرب فيه حاجتين يا اما نكسب ونجيب لمصر حقها وندافع عنها يا اما اموت شهيد وفي كلا الحالتين الواحد هيبقى فخور بنفسه

الواد المعداوى ده زى الفل
دايما بيجيب الزتونة
راى تمام وزى الفل
انا معاك
تسلم عليه يا معداوى

[ENG_elharifa`]

والله يا لؤي موضوع جميل واحيييييييييييييك عليه اووووووووي وبجد موضوع مهم وربنا يااااااارب يثبتنا عند اللقاء لو فيه حرب بس انا هاقولك انى هاروح احارب يا لؤي لو جاتلى الفرصة عشان باحب مصر وكل حاجة بس فيه حاجة انا باتمناها على طول واهيا انى اموت شهيييييييييييييد يعني اروح الحرب فيه حاجتين يا اما نكسب ونجيب لمصر حقها وندافع عنها يا اما اموت شهيد وفي كلا الحالتين الواحد هيبقى فخور بنفسه

مفيش كلام بعدك معاك يا كبير

[ahmed elmaadawy]

تسلمولى يا رجالة والله وربنا يستر عاللى جاي