وعليكم السلام ورحمه الله
البداية فعلا ولله الحمد أتوجدت
أتوجدت بإن في حد أيا كان بشكل عام وجد امامه خطأ
ويشغل نفسه لحله وتصحيحه
دي البداية ,,, النية الصادقة للمساعدة
بكل بساطة ,, الكلام مع أي حد مهما كان وصول درجته من الخطأ
إن كان بسهولة ويسر هايوصل إن شاء الله وكمان ممكن يقتنع بسهولة
بس الاسلوب يفرق كتير
بمعني ,, مايكونش في تحفظ في الكلام ,,,
أقصد تحفظ <بمعني خوف او تردد من ان الشخص يردني او مايتقبلش الكلام>
حتي وإن ردني في الكلام ,, أو أستخدم أسلوب كلام في إنه <اسف في اللفظ يستفز اللي ادامه>
مهمة اللي بيتكلم هنا إنه يفهم دا كويس جدا ويمتص الكلام دا ويتقبله دون ادني مضايقة
بمعني ,, إن سبب استخدام الكلام دا او الاسلوب دا مفهوم ,, والهدف أقوي من كده ,, من إن حد يتضايق او يزعل
بالعكس ,, دا طالما الطرف التاني أتكلم حتي وإن كان بالاسلوب دا
ف دي في حد ذاتها نقطة كويسة جدا
نقطة كويسة إني وصلت لإنه يتكلم ,,,,,,, علي الاقل إن اللي ادامي بدأ يتكلم ويعبر عن نفسه
ف مهما كان أسلوب الرد ,, مايهمناش غير أننا نحاول نستدرجه بأسلوب بسيط للنقاش وبأبسط الطرق وأكثرها مباشرة وصراحة ووضوح شديد دون خوف او قلق من أي رد فعل
دلوقتي المشكلة وضحت ادامنا وعارفين ابعادها
ودي نقطة كويسة جدا ,, يبقي علينا المناقشة الصريحة المباشرة جدا مع الاشخاص دول
وفي بداية الكلام ,, لازم توضيح وازالة حواجز القلق والخوف وكمان حاجز اسمه
هو ليه بيعمل معانا كده؟
وكمان حاجز اسمه هو أحسن مننا في أيه؟!
الحاجز دا لازم يتكسر لإن ببساطة كلامنا مش لاننا أحسن بالعكس دا كلامنا لإننا عاوزين نبقي أحسن بمساعدة بعض مش حد لوحده دون الاخر,, ونكسر الحاجز دا عن طريق توضيح بطريقة غير مباشرة من الشخص اللي هايتكلم في بداية الكلام او في منتصفه ,, المهم إنه يوضح
حتي إن قال له ,, أقولك دلوقتي احنا بنتناقش ,, <افتراض ان النقاش هايوصل لمرحلة كبيرة فأكيد إن شاء الله هانوصل لاتفاق او حل وسط بينا او حد يقنع التاني> ف ايه رأيك أقنعني أنت باللي بتعمله وصدقني إن اقتنعت هاعمله معاك وكمان يمكن تاخد ثواب إنك علمتني حاجة تنفعني
طبعا بيكون في قلق شوية من الشخص المتكلم او اللي عاوز ينصح
في إنه مايقدرش يقنع اللي ادامه او يوصل له المعلومة صحيحة
وهنا دي مشكلة
لان بعد ما اتفقنا إن النية موجودة ,, لازم الثقة لابعد الدرجات تكون موجودة
ثقة في إني هاتكلم وإن شاء الله ربنا هايرزقني ولو حتي في أول مرة كلام ,,, إن حد منهم يقتنع بنص الكلام حتي
ساعتها هايساعد الشخص اللي بيتكلم في سهولة الكلام وكمان هايساعده في تبسيط الكلام علي الشخص الاخر اللي معاه
ملحوظة:
ياريت الكلام مايبقاش مع اكتر من شخص في نفس الوقت بحضور شخص أخر
كده هايبقي أفضل بكتير ,, لإن مش كتير من الناس أما يكونوا علي غلط ,, يعرفوا يعترفوا بيه ادام حد تاني او يكون عندهم قابلية لتقبل الكلام في الوقت دا
ايه الكلام الكتير اللي بقوله دا؟
الكلام دا كله معناه
إن طالما النية موجودة وعزمت علي فعلها
يبقي استعين بربنا و اتوكل عليه ولا أيأس أبدا
وأتكلم ببساطة ,, وسهولة بدون أي خوف من حاجة
الكلام المباشر الصريح ,, حتي وإن كان في موضوع غير متقبل من الاطراف الاخري
طالما كلام صح وبطريقة بسيطة ,,, هايوصل
لا خلاف علي كده ,, لإن ربنا أكرمنا بنعمة العقل ,, فأكيد الكلام الصحيح الكل هايعرف يميز بينه وبين الكلام الخاطئ
الهدف : رضا ربنا
ودي غايتنا كلها
يبقي لازم نبذل جهدنا قدر المستطاع ,, المهم نبدأ من غير خوف
خلاصة الخلاصة
كلام مباشر وصريح جدا بأبسط الطرق دون أي شئ من القلق
ملحوظة:
تكملة خلاصة الخلاصة
<دون تكلف>
بمعني مانتكلمش كلام كبيراللي ادامنا مش فاهمه ومش متقبله أو أننا نقول دا انا بعمل كذا وفلان بيعمل كذا وشوف كذا ,, واللي ادامنا يحس انه صغير او مقصر وندخل في دائرة مقارنات مالهاش لازمة
,,, وقتها احساس التقصير ,, مش هايبقي بالشكل اللي احنا عاوزينه ,,, هايبقي احساس تقصير ان حد احسن منه ,,, ودا غير مطلوب بالمرة
اما احساس التقصير المطلوب ,,, أنه فعلا يحس انه مقصر في حق ربنا ,, مايهمهوش الناس
وقتها هايحس إنه لازم يصلح من نفسه ابتغاء وجه الله ,,,, مش عشان يبقي أحسن من فلان ولا زي فلان
بعد الكلام الكتير اللي فات دا
نيجي مثلا لإسلوب كلام ممكن نستخدمه
دلوقتي المشكلة عبارة عن عدة اجزاء
قدرة التخيل ان فى حد مسلم ويكون كده
دي نقطة في تفكيرنا ,, يبقي نتكلم مع الشخص ونفهم منه ,, يعني أيه مسلم في نظره
طب المسلم دا بيعمل ايه عشان يبقي مسلم
طب إن كان مسلم ,,, ف مسلم بيؤمن بمين؟
طب عشان يؤمن به يعمل ايه؟ ياتري ينطق الشهادتين مجرد نطق؟
طب يعني ايه بارضو إني أشهد الشهادتين؟ ,,, أقصد سؤال في العقيدة ومايترتب علي الشهادتين وانهم مش مجرد قول ,, بل تطبيق وايمان بهم من القلب وإتباع أمر الله
نقطة كمان
اولا مش بيصلوا
طيب أنتوا مش بتصلوا ليه؟
هي الصلاة في نظركم غلط؟ طب ليه الصلاة؟
طب ايه هي الصلاة؟
طب احنا بنصلي ليه؟
نقطة اخري
ثانيا ماعندهمش اى قابليه انهم يسمعوا كلام ربنا
طب نسألهم طالما مافيش قابلية لسماع كلام ربنا
يبقي مين في حياتكم بتسمعوا كلامه؟
أو مين يستحق سماع كلامه ,, طالما مش بنسمع كلام ربنا؟
طب كمان مين اللي بتستريحوا لكلامه و افعاله وليه؟ طب هو بيعمل ايه شايفينه صح عشان تسمعوا كلامه؟
نقطة اخري
يعنى لو القران شغال فى مكان يسيبوا المكان ده ويروحوا مكان تانى وكذلك البرامج الدينيه
تمام ,, يبقي في الكلام ,, نحاول نستفسر ونوصل لإجابة
نتكلم معاهم بالراحة ,, أنتوا ليه بتعملوا كده؟
هو في كلام في الدنيا أفضل من كلام ربنا تسمعوه؟
لا أبدا والله
طب ليه بتسيبوا المكان؟ بتضايقوا؟ ولا بتخافوا؟
أكيد بتضايقوا لإنكم ممكن تكونوا عارفين إن في حاجة غلط بتتعمل
ومش قادرين تواجهوها ادام ربنا ,, نفسكم أكيد تقربوا من ربنا ,,بس ممكن تكونوا خايفين
طب خايفين من ايه؟
خايفين من الاعتراف بالذنب امام الله ,,, لا أبدا أوعووا ,, دا لازم لازم تعترفوا وتتوبوا من الذنب دا بمساعدة ربنا واننا نلجأ لربنا في كل أمر مهما كان صغير أم كبير
ماحدش هايعينكم إلا ربنا حتي وإن كنتم علي معصية
فلا ملجأ لنا إلا هو
نقطة أخري
حتى الناس كانت بتصلى فى الجامع وهم سامعينهم ومع ذلك ماتحركوش بالعكس كانوا بيلعبوا وبيسمعوا اغانى
طيب نسأل سؤال
أنت ديانتك ايه؟
مسلم
طيب نرجع بقي لنقطة تمت كتابتها سابقا ,, يعني ايه مسلم؟ طب اعمل ايه عشان ابقي مسلم؟
طب ايه اللي منعكم من دخول المسجد والصلاة وأنتوا سامعين الامام
وما أجمل أن يقف العبد بين يدي خالقه ,,, يا الله
ما أجمل وقوفنا بين يديك ,, دا حتي ربنا كرمنا وإحنا بنقرأ فاتحة الكتاب
بأن <قسمت فاتحة الكتاب بيني وبين عبدي>
يا الله ,,, ما أجمل في أن أكون في موضع المناجاة و الطلب والدعاء مع ربي
طب ليه بتلعبوا وتسمعوا اغاني في وقت الصلاة؟
طب ياتري دي بستطكم دلوقتي؟
طب ياتري هاتبسطكم بعدين؟
دي هي الوسيلة اللي تقربنا من ربنا؟
أكيد لأ
وأكيد في كتير يقربنا من ربنا ودي مهمتنا مع بعض أننا ناخد بأيد بعض ماحدش أحسن من التاني
ونساعد بعض واللي عارف حاجة يقولها للتاني وياخد ثوابه
نقطة اخري
وانا حاولت معاهم كتير بس للاسف مش بياخدوا بكلامى
هنا نقطة التفكير
طب ليه مابياخدوش بالكلام؟
ياتري فيه نقص؟
طب ياتري الكلام فوق مستوي فهمهم؟
طب ياتري كلامي هما مش متقبلينه؟
طب ليه مش متقبلينه؟
طب ياتري أكلمهم بأي أسلوب عشان يسمعوا لي؟
هنا نرجع لنقطة سبق ذكرها
الثقة والتوكل علي الله
ثقة إن لا تراجع مهما كان
حتي وإن استخدموا أي أسلوب مش هايهمني غير إني أصل إلي هدفي وهو رضا الله وفي سبيله محاولة المساعدة لمعارفي بأي وسيلة
نقطة اخري
حاليا مش بيكلمونى وانا مش عارفه اعمل ايه الناس دى تهمنى جدا ياريت تساعدونى
الجملة دي مليانة بجد كلام للمناقشة ,, تكاد تكون جملة تمت كتابتها في سطر ولكنها تحوي من التفكير الكثير والكثير
الاشخاص دول لجأوا إنهم مش بيكلموا الشخص اللي بيحاول معاهم
طيب جميل في حد ذاته دي نقطة تفيدنا >دون استغراب او تعجب<
ايوا تفيدنا ,,, اننا نفكر طب ليه وصلوا لكده مع إن كما تم ذكره سابقا
الناس دى تهمنى جدا
يبقي أكيد أسلوب الكلام والتفكير الي حد ما متقارب ومفهوم
كمان اما نفكرمن طرفهم
ليه وصلوا لكده؟
ياتري هو الكلام الصح بيزعل ويضايق؟
طب لو كده ,, ايه اللي بيضايبق بالظبط؟
الاسلوب ؟ ولا الكلام نفسه ؟ ولا الاسلوب ؟
ولا أسف في السؤال >ولكن التفكير الان من وجهة نظر الاشخاص غير المتقبلين الكلام<
ولا ياتري الشخص نفسه؟
ياتري مش قابلين مني أنا بالذات الكلام وممكن يتقبلوه من حد تاني؟
طب ياريت تكون النقطة دي فيها تأكيد ,, علي الاقل بارضو أقدر اساعدهم إني اخلي حد تاني يكلمهم
اما الجزئية الثانية
مش عارفه اعمل ايه
خير مايفعل هو تقوية قوتي
ايوا تقوية قوتي او تحفيز قوتي وتوجيهها
بمعني ,, هو دا اللي حصل بالظبط ,,,,, طلب المساعدة والمناقشة في الموضوع دا
كما تم ذكره سابقا
خلاصة الخلاصة
كلام صريح مباشر بسيط جدا دون خوف
وكمان بث الثقة في أنفس من امامي
نقاش كثير وأسئلة أكثر وأساليب شتي
أسف علي إن كنت قصرت ولكن حاولت التفكير
كلامي السابق أكيد مش لازم يكون هو اللي بقول يتطبق بكل حاجة فيه
بالعكس ,, يمكن في أعضاء يدخلوا يقولوا كلام أفضل منه بكتير جدا جدا
ولكنه مجرد نقاط تفكير
أسف علي الاطالة
أسأل الله أن يوفقنا جميعا الي مايحبه ويرضاه
عدد مرات الفوز : 13
!!!!!!!!!!!!!!!!!!!!!!!!!!
رد مع اقتباس
المشاركة الأصلية كتبت بواسطة BakT_3aieny
مواقع النشر (المفضلة)