عدد مرات الفوز : 1
▐▒°˚ ღرمضان مش هيضيع منىღ◦˚° ▒▌
بدون مقدمات كل يوم أقابل واحد يقولى أنا مش حاسس برمضان السنه دى خاااااااااالص : وحاجات كتير مقصر فيها صلاه مش بحافظ عليها فى وقتها والتراويح مبقتش اكملها للاخر والقرءان والله اتكسف اقولك اانا فى الجزء الكام؟
بجد خايف اوى ان شهر رمضان يضيع منى :: خايف مفرحش بالعيد عشان ضيعت منى شهر رمضان .
تقريبا كان ردى عليه ان الحال من بعضه :: لاننا معظمنا لسان حاله بيقول كده حتى اللى ماسك نفسه حاسس انو مقصر وانو ممكن يعمل احسن من كده.
عشان كده قلت لازم أعرف هو ممكن بجد رمضان ميضعش منى؟ .. طب هو رمضان خلص ولا لسه ؟ طب لو لسه اقدر أعوض التقصير اللى كان منى ده ازااااى ؟
ربنا يا جماعه دايما كده بيدينا فرص ونفحات : عشان نستغلها ونعوض كل تقصير عندنا : فشهر رمضان نفحه وهديه كبيره من عند ربنا عشان اللى قصر طول السنه يقدر يعوض اللى فاته من الخير . عشان كده والله لازم تفرح وتعرف ان ربنا بيحبك بجد عشان خلاك ادركت شهر رمضان بيقولك انا بديلك فرصه عشان ترجع .
طب واللى قصر فى اول رمضان ؟ هقولك لسه فيه العشر الاواخر ولسه فيه ليله القدر اللى بتعدل 83 سنه وبضعه اشهر عباده لله .الرسول قال عنها ليلة خير من ألف شهر من حُرمها فقد حُرم الخير كله، ولا يُحرم خيرها إلا محروم
طبعــا اكتر الناس بتفكر ان ابوظ الدنيا طول السنه واجى اظبط نفسى فى رمضان وربنا يغفرلى بقى وخلاص .. وفيه ناس تقول وانا ليه طب ما اجى ليله القدر واظبط نفسى ودى بقى ب 83 سنه وربنا يغفرلى ما تقدم وما تاخر .. هقؤلك ان الموضوع مش كده خااااالص وان كان كده كنا مقلناش اننا مش حاسيين برمضان لان بجد رمضان كان عايز استعداد مننا عشان ربنا يفتح علينا فيه
بالظبط يا جماعه ليله القدر ؛ لازم تجتهد فى العشر الاواخر لما فيهم من فضل وعشان تلتمس فيهم ليله القدر اللى هتعوضنا عن كل شىء ان شاء الله
.
خلاص اتفقنا ان رمضان لسه فيه ونقدر نعوض بس ازاااااااااااااااااااى اقدر اظبط نفسى ف العشر الاواخر؟
تانى حاجه انك تظبط كل حاجه شايف انك مقصر فيها .. سواء كانت صلاه او قرءاه قرءان او غيره
- أول حاجه أحسن الظن بالله ولا تيأس وخليك على يقين ان ربنا هيوفقك وهيغفرلك كل اللى عملته قبل كده وهقولك قول ابن مسعود رضى الله عنه : والذي لا إله غيره لا يحسن عبد الظن إلا أعطاه الله ع ظنه ؛ ذلك بأن الخير في يده " , وافتكر دايما اللى قاله الحسن البصرى "إن المؤمن أحسن الظن بربه فأحسن العمل، وأن الفاجر أساء الظن بربه فأساء العمل
عشان كده بقولك أحسن الظن بالله وإبدا بالتوبه النصوح :و إعزم النيه انك مش هترجع ابدا لما يغضب الله
تالت حاجه حاول تحافظ على كل خطوه بتتقدما لربنا ولو متقدمتش خطوه فى مره يبقى حاول مترجعش خطوه بعيدعن ربنا
رابع حاجه مش تنشغل اوى بالجدال والخوض فى الموضوع السياسيه زياده عن اللزوم .. لان أصلا الثورات دى قايمه عشان تطهر الامه من من الظلم وفساد الاخلاق والفساد فى كل شئ .. فالعشر الاواخر بمثابه ثوره ع كل شئ فاسد ووبدايه حقيقيه لنهضه امه باكلملها والله لو ان كل واحد اغتنم الفرصه دى
واخيرا لا تنسى الدعاء. دايما ادعى ربنا انو يوفقك ويثبتك ع طريق الخير والرشاد وانو يتقبل منك الصلاه والصيام والقيام وصالح الاعمال .
وان شاء الله تبقى الليالى العشر مسك الختام وتبقى فرحتنا بالعيد فرحه حقيقيه بإذن الله .. وتقبل الله منا ومنكم وكل عام أنتم بخير
....
ملف خاص بالعشر الاواخر كل اللى هتحتاج تعرفه عن العشر الااخر هتلاقيه ان شاء الله
رد مع اقتباس
رد: ▐▒°˚ ღرمضان مش هيضيع منىღ◦˚° ▒▌
مواقع النشر (المفضلة)