سلسلة نجحني شكرا (الجزء التاني)

[amir mohamed]

السلام عليكم ورحمة الله وبركاته

طبعا الموضوع مش غريب الموضوع ده عبارة عن الجزء التاني من سلسلة نجحني شكرا اللي عملته الترم الاول
على العموم ندي نبذه عن الموضوع علشان الناس اللي مشفوش الموضع في الترم الاول
الموضوع كان عبارة عن بعض النصائح لطلبة اعداي كان فيه شوية نصائح من بوق المعيدين وشويه من عندي
وشوية من طلاب خبرة في الكلية علشان تقدر تمشي في الكلية

والموضوع كان متجدد كنت بدخل قبل كل امتحان واكتب نظام دكتور الماده وايه المهم في المادة يعني الموضوع كان تقريبا مكتوب للناس اللي عايزة تلحق نفسها ومش عارفه حاجة في الماده وعايزين يعدوا بمقبول او حتى جيد
وكان برده للناس اللي ذاكرت مره وعايزين يعرفوا نظام الامتحانات

المهم الموضوع الترم ده مختلف شوية لان الموضوع نازل بدري (بناء على طلب الاعضاء)

يعني هنتكلم عن الماده نفسها ازاي تتذاكر وتجيب فيها تقدير بالاضافة ايضا لنظام الدكاترة في الامتحانات


بس قبل ما ابدأ عايز اقولكم حاجة مهمة يمكن تكون دفعة تفاؤل للترم التاني

عايز اقولكم ان الترم الاول عبارة عن تلت السنة بمعنى ان الترم الول كله كان عليه حوالي 500 درجة
اما الترم التاني عليه 1000 درجة يعني اللي يجيب تقدير فيه تقديره الكلي بيرتفع بدرجة كبيرة

وبجد والله العظيم انا كان ليا ناس اصحابي طالعين من الترم الاول معاهم الاربع مواد (ض)
ومع ذلك عدوا السنة ومعاهم مادتين بس من اعدادي

انا ايدي وجعتني من الكتابة نكمل بعدين بقى

انتظروني

[Eng.Mfathi]

الله عليك بجد
ادينا ياعم شويه تفاؤل
ربنا يوفقك




معاك للاخر

[Mustafa Zein]

الله عليك يا أمير

بس متعملش زي ما قولتلي

أمير بيقول يجماعة الموضوع لحد ما يا خد البيبس والجاتوه وموش هيكمل

عارف دا لو حصل

هطلعه عليك يوم نتيجتك

[Eng.Mfathi]

ياعم مصطفى نجبله بيبسى وكيك وشكولاته
هو احنا عندنا كام امير
هو اللى مظبطنا هو
هو اللى مشخلعنا هو هو هو هو

[Despair Victor]

We All Wait You Bro

Don't Be Late

[Mustafa Zein]

ياعم مصطفى نجبله بيبسى وكيك وشكولاته
هو احنا عندنا كام امير
هو اللى مظبطنا هو
هو اللى مشخلعنا هو هو هو هو

أمير أبو أمير الأمير

اوكي يمان

وعد مني يا برنس كل حلقة ببسي

أنا عارف والله انك بتتعب بجد

بس اهم حاجه متفتحش كتير ف الحلقات

[moshera atia]

أهو كدة يابشمهندس
ربنا يخليك يارب ويجعله فى ميزان حسانتك
ولو على البيبسى والجاتوه مقدور عليهم
بس انت تؤمر
ومنتظرينك والف سلامة ليدك

[~woundedbird95~]

أهو كدة يابشمهندس
ربنا يخليك يارب ويجعله فى ميزان حسانتك
ولو على البيبسى والجاتوه مقدور عليهم
بس انت تؤمر
ومنتظرينك والف سلامة ليدك

المشكلة انو هيتعود على كدا
ها يا بشمهندس هتكمل بالذوووووووووووووووق ولا؟؟؟؟؟

[ahmed bakoush]

ياعم امير ده بتاعنا مش محتاج أي أكل أمير ملك للفرقه الإعدادي
أنا إتفقت خلاص علي السعر (لا يقدر بمال لخداماته المتواصله) "ب

[amir mohamed]

نكمل بقى الموضوع ونبتدي بهندسة الانتاج

انا هبدأ بيها لاسباب كتيرة يمكن اهمها اني مينفعش اتكلم عنها قبل الامتحان على طول لانكم لازم تذاكروها من بدري

وكمان علشان لؤي ميزعلش (اي خدمة)

هو بصراحة على ايامي كانت هندسة الانتاج بالعربي ومحدش يقول يابختك لان هندسة الانتاج بالانجليزي اسهل من العربي بكتييير

ولو مش مصدقين اسألوا اي حد شايل السنة

المهم علشان كده انا مش هاقدر افيدكم فيها كتير بس انا هقولكم ايه اللي حصل معايا السنة اللي فاتت وازاي كنت بذاكرها

البداية معايا كانت لما الدكتور مصطفى جه قبل الميد ترم بحوالي اسبوعين وقال ان فيه امتحان في المحاضرة كنت ساعتها معرفش حاجة عن المنهج خالص وكان تقريبا خلص اربع او خمس ابواب

المهم كنت فاكر ان الحوار سهل ورحت اشتريت ورق من المكتبات واكتشف ان المادة تقريبا كلها حفظ واني متأخر قوي وانا مش بعرف احفظ خالص

المهم كل اللي ذاكرته باب ونص ولما رحت ملقتش فيه امتحان نفس اللي حصل عندكم بس ساعتها عرفت اني مش هقدر الم المادة دي قبل الامتحانات

المهم بدأت اذاكرها واحدة واحدة مع نفسي

كنتب بذاكرها ازاي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا اول حاجة قسمت المادة 3 اجزاء جزء الرسومات وجزء المسائل وجزء النظري او الحفظ

وجمعت الرسومات كلها في كام ورقة كده وهما اصلا كانوا في المكتبات برده وجزء المسائل زيه برده

ودولف كانو سهلين مفهمش مشكلة

في الاخر حسيت ان الماده صفصفت على شوية تعريفات وتعليلات (جزء اللي محتاج حفظ يعني)


المهم كنت بذاكره ازاي بقى

انا اول حاجة كنت بقرأ الباب من الكتاب بس مجرد قارية سريعة مش مهم افهم منها بس المهم اني اكون قرأت الباب وخلاص

وبعد كده ابدأ احفظ من الورق اللي كنت شاريه وكان عبارة عن سؤال واجابه وكنت كل يوم احفظ جزء صغير من الباب لحد ما يخلص

يعني كان ممكن الباب ياخد كذا يوم يعني كنت بذاكرها تقريبا كل يوم بتاع نص ساعة علشان كنت بأمل منها بسرعة

والحمد لله على ماجه الميد ترم كنت خلصت تقريبا اربع ابواب

وكان الامتحان كالاتي
رسمة وي مكانش فيها مشكله لاني زي ما قلت كنت مجمع رسومات المنهج في كام ورقه وكنت عارفهم
ومسألة ودي كانت عبارة عن مثال من الكتاب

فاضل بقى جزء النظري
وده كان عبارة عن شوية تعريفات وكام سؤال علل والحمد لله حليتهم كلهم لان الدكتور مصطفى كان جايب اسهل الاسئلة

علشان يحبب الناس في الماده

وكان فيه سؤال على الباب الخامس على الفريزة بس ده طبعا محلتهوش لاني مكنتش ساعتها اعرف عنه حاجة

المهم من ساعتها قررت اني اكمل مذاكرتها مع نفسي لان دي الماده الوحيده اللي مكنتش هاقدر المها قبل الامتحان

بس اهم حاجة في الماده دي انكم تحلوا امتحانات كتيرة

لان الدكتور مصطفى غالبا بيجيب منها

وفي الاخر الحمد لله جبت فيها جيد جدا

اكيد كل واحد فينا ليه طريقة في المذاكرة وتقسيم الماده بس انا قلت اكتبلكم انا كنت بعمل ايه يمكن حد فيكم تعجبه الطريقه

ويعمل بيها


وربنا معاكم ونصيحة مني ابدؤا فيها من بدري علشان متحسوش انها صعبة او تقيلة عليكم


والى اللقاء اللى ان نلتقي في ماده اخرى